Azərbaycan kubokunun ilk yarımfinal oyunları 1 futbolçunu cəzalı vəziyyətə salıb. Apasport.az saytının məlumatına görə, “Xəzər Lənkəran”ın xorvatiyalı legioneri Marin Orsuliç “Bakı” ilə aprelin 24-də evdə keçiriləcək cavab oyununda meydana çıxa bilməyəcək.

Buna səbəb yarımmüdafiəçinin turnirdə 2-ci sarı vərəqəni almağıdır. Nəticədə qış fasiləsində transfer olunan futbolçu cəzalı durumdadır. Marin bundan öncəki mərhələdə “Rəvan”a evdə 4:1 hesabı ilə qalib gəldikləri cavab oyununda da sarı vərəqə almışdı.

Əvəzində lənkəranlıların digər yarımmüdafiəçisi sıraya dönür. Belə ki, Elnur Abdullayev 3 oyunluq cəzasını başa vuraraq cavab matçında meydana çıxa biləcək. “Turan”la 1/8 final oyununda komanda yoldaşını təhqir etdiyinə görə birbaşa qırmızı vərəqə alan Elnur “Bakı”ya 0:1 hesabı ilə uduzduqları ilk oyunla yanaşı, “Rəvan”la hər 2 matçı buraxmalı oldu.

• 37 yaşlı futbolçu Fransa klubunda
• "Real" Bernardonu rəsmən təqdim etdi
• “Fənərbaxça”nın hücumçusu Premyer Liqaya keçdi – 24,5 milyon avroya
• “Roma” “Porto”nun 19 yaşlı futbolçusunu transfer etdi - RƏSMI
• “Çelsi” Joao Pedro ilə yeni müqavilə bağlayır – Maaşı artırıldı