Azərbaycan kubokunun yarımfinal mərhələsinin “Bakı” - “Xəzər Lənkəran” matçında təyin olunan 11 metrlərik cərimə zərbəsi müzakirələrə yol açıb. Apasport.az saytının məlumatına görə, 84-cü dəqiqədə “ağ-yaşıllar”ın qapısına təyin olunan penalti narazılıq yaradıb.

Bununla bağlı cənub təmsilçisinin qapıçısı Antonio Doblas “tvitter” sosial şəbəkəsindəki profilində fikirlərini açıqlayıb. Matçı ehtiyat oyunçular skamyasında keçirən ispaniyalı legioner ölkəmizdə olduğu təxminən 3 ayda belə hallara öyrəşdiyini gizlətməyib: “Xəzər Lənkəran”ın buraxdığı qol çox şübhəli penaltidən vuruldu. Lakin burda belə şeylər normal haldır”.

Qeyd edək ki, “Xəzər Lənkəran” “Bakı” ilə səfər oyununda penaltidən buraxdığı qolla məğlub olub – 0:1.

• 37 yaşlı futbolçu Fransa klubunda
• "Real" Bernardonu rəsmən təqdim etdi
• “Fənərbaxça”nın hücumçusu Premyer Liqaya keçdi – 24,5 milyon avroya
• “Roma” “Porto”nun 19 yaşlı futbolçusunu transfer etdi - RƏSMI
• “Çelsi” Joao Pedro ilə yeni müqavilə bağlayır – Maaşı artırıldı