Şahmat üzrə Qran-pri çərçivəsində III turnir davam edir. Apasport.az saytının məlumatına görə, İsveçrənin Zuq şəhərində baş tutan yarışın II günündə Teymur Rəcəbov ilə Şəhriyar Məmmədyarov növbəti sınaq qarşında olub.

Qrossmeysterlərimiz rusiyalı şahmatçılarla üz-üzə gəlib. Belə ki, Rəcəbov Sergey Karyakini, Məmmədyarov isə Aleksandr Morozoviçi sınağa çəkib.

Təmsilçilərimizin hər ikisi də rəqibləri ilə heç-heçəyə razılaşıblar.

Digər görüşlərdə isə Rüstəm Qasımcanov Qata Kamskini, Ruslan Ponomaryov Fabiano Karuananı və Veselin Topalov Peter Lekonu məğlub edib. Hikaru Nakamura ilə Aniş Qiri isə xalları yarı bölüblər.

Qeyd edək ki, 11 turdan ibarət olacaq turnir aprelin 30-da başa çatacaq.


II tur
19 aprel

Rüstəm Qasımcanov (2709, Özbəkistan) - Qata Kamski (2741, ABŞ) - 1:0
Veselin Topalov (2771, Bolqarıstan) - Peter Leko (2744, Macarıstan) - 1:0
Hikaru Nakamura (2767, ABŞ) - Aniş Qiri (2727, Hollandiya) - 0,5:0,5
Teymur Rəcəbov (2793, Azərbaycan) - Sergey Karyakin (2786, Rusiya) - 0,5:0,5
Ruslan Ponomaryov (2733, Ukrayna) - Fabiano Karuana (2772, İtaliya) - 1:0
Aleksandr Morozoviç (2758, Rusiya) - Şəhriyar Məmmədyarov (2766, Azərbaycan) - 0,5:0,5


Xal durumu: Morozoviç, Topalov, Ponomaryov – 1,5, Karuana, Məmmədyarov, Karyakin, Qasımcanov, Qiri, Nakamura – 1, Rəcəbov, Leko, Kamski - 0,5.

• “Fənərbaxça”da növbəti ayrılıq - RƏSMİ
• 37 yaşlı futbolçu Fransa klubunda
• "Real" Bernardonu rəsmən təqdim etdi
• “Fənərbaxça”nın hücumçusu Premyer Liqaya keçdi – 24,5 milyon avroya
• “Roma” “Porto”nun 19 yaşlı futbolçusunu transfer etdi - RƏSMI