Topaz Premyer Liqasının XXVII turu “Xəzər Lənkəran”ın uğursuz seriyasını qırması ilə əlamətdar olub. Apasport.az saytının məlumatına görə, ardıcıl 17 oyunda qol buraxan “ağ-yaşıllar” qapısını toxunulmaz saxlamağı bacarıb. “Sumqayıt”la ev matçını (0:0) “quru” keçirən Orxan Sadıqlı 2013-cü ildə ilk dəfə meydanı qol buraxmadan tərk edib.

“Xəzər Lənkəran”ın qol buraxmadığı son qarşılaşma 2012-ci il noyabrın 24-də baş tutmuşdu. Həmin vaxt “Kəpəz”lə çempionatın səfər matçında qapısını “quru” saxlayan cənublular 1:0 hesabı ilə qalib gəlmişdilər. 148 gündən sonra meydanı qol buraxmadan tərk edən lənkəranlılar bu müddətdə 17 matçda 25 dəfə topu qapısından çıxarmışdı.

• “Fənərbaxça” onunla da yollarını ayırdı - RƏSMİ
• “Fənərbaxça”da növbəti ayrılıq - RƏSMİ
• 37 yaşlı futbolçu Fransa klubunda
• "Real" Bernardonu rəsmən təqdim etdi
• “Fənərbaxça”nın hücumçusu Premyer Liqaya keçdi – 24,5 milyon avroya