“Kaş, qapıçılarınızın belə imkanı olsun”
01.05.2013 - 16:02
Türkiyə millisinin heyətində dünya və Avropa çempionatlarının bürünc medalçısı olan tanınmış qapıçı Rüştü Rəcbərin apasport.az saytına müsahibəsi
- Uzun fasilədən sonra Bakıya gəldiniz. Təəssüratlarınız necədir?
- Əvvəllər Azərbaycana səfərimiz olmuşdu. Ancaq həmin vaxt rəsmi oyun keçirmək üçün gəlmişdik. Bu dəfə isə gəlişimizin səbəbi fərqlidir. Bakı çox dəyişib, inkişaf edir. Səfərimizin məqsədi AFFA-nın təşkil etdiyi tədbirlərlə bağlıdır.
- Bu tədbirlərdə iştirak edib, uşaqlarla bir olmaq, futbol oynamaq sizdə hansı hisslər oyatdı?
- Çox gözəl. Məhəllə futbolu layihəsinə start verildi. AFFA-nın bu layihələri gələcəkdə uşaqların bu idman növünə cəlb edilməsinə xüsusi təkan verəcək. Ötən il Bakıda təşkil edilən 17 yaşadək qızlardan ibarət yığma komandalar arasında dünya çempionatının final mərhələsi keçirildi. Bununla əlaqədar yeni-yeni infrastrukturlar istifadəyə verildi. Futbolla məşğul olan uşaqlar arasında qızların olması da müsbət məqamlardan biridir. Gələcəkdə daha yaxşı olacağını düşünürəm.
- Veteranların oyunundan nə gözləyirsiniz?
- Heydər Əliyevin 90 illik yubileyi ilə əlaqədar keçiriləcək oyunda iştirak edəcəyik. Az da olsa, azarkeşlərə futbolu sevdirməyə çalışacağıq. Məqsədimiz də budur. Çünki futbolu buraxdığımızdan əvvəlki kimi çıxış edəcək gücdə deyilik. Axşamkı oyuna tanınmış veteran futbolçular da dəvətlidirlər. Azarkeşlərin stadiona gəlməyi lazımdır. Futbol ən çox azarkeş ordusuna malik olan idman növüdür. Bu, bütün dünyada belədir.
- Gənc həmkarınız Kamran Ağayevlə görüşdünüz, meydanda oldunuz. Onu tanıyırdınız?
- O, bizim yeni dostumuzdur. Mən Azərbaycan yığması ilə oyuna gələndə, millinizin qapıçısı başqası idi. Bildiyimə görə, Kamran 4-5 ildir yığmanızda oynayır. Biz bir-birimizi tanımasaq belə, azəri və türk olduğumuz üçün hər zaman yaxınıq. Yəni qəlbimiz birdir və söhbətimiz bir yöndədir. Ağayevin karyerası yaxşı gedir. İnşallah, işləri daha yaxşı olar.
- Ağayevə, ümumiyyətlə, qapıçılarımıza nə tövsiyə edərdiniz?
- Qapıçı üçün sabitlik çox önəmlidir. Bunu saxlamaq lazımdır. Kamran da 3-4 ildir bunu qoruyur. Onunla bərabər, arxadan gələn, vaxtını gözləyən qapıçılar da var. Bilirəm ki, “Bakı”da belə bir qapıçı da var (Aqil Məmmədov nəzərdə tutulur). O da öz üzərində işləsə, yaxşı olacaq. Tövsiyəm bol-bol matç oynamalarıdır. Kaş belə imkanları olsun... Ancaq çalışmağı unutmaq olmaz.
- Sizcə, Azərbaycan futbolu da Türkiyədəki kimi inkişaf edə biləcək?
- Ola bilər ki, belə oldu. Futbolda həmişə öz inkişafını etdirdiyin zamanı başlanğıcda üzülə bilirsən. Ancaq AFFA işə başladığı zamandan böyük diqqət, marağı olub. Bunlar gələcəkdə mütləq bəhrəsini verəcək. Ancaq işin üzərində möhkəm dayanmaq lazımdır.
Mehman SÜLEYMANOV
- Uzun fasilədən sonra Bakıya gəldiniz. Təəssüratlarınız necədir?
- Əvvəllər Azərbaycana səfərimiz olmuşdu. Ancaq həmin vaxt rəsmi oyun keçirmək üçün gəlmişdik. Bu dəfə isə gəlişimizin səbəbi fərqlidir. Bakı çox dəyişib, inkişaf edir. Səfərimizin məqsədi AFFA-nın təşkil etdiyi tədbirlərlə bağlıdır.
- Bu tədbirlərdə iştirak edib, uşaqlarla bir olmaq, futbol oynamaq sizdə hansı hisslər oyatdı?
- Çox gözəl. Məhəllə futbolu layihəsinə start verildi. AFFA-nın bu layihələri gələcəkdə uşaqların bu idman növünə cəlb edilməsinə xüsusi təkan verəcək. Ötən il Bakıda təşkil edilən 17 yaşadək qızlardan ibarət yığma komandalar arasında dünya çempionatının final mərhələsi keçirildi. Bununla əlaqədar yeni-yeni infrastrukturlar istifadəyə verildi. Futbolla məşğul olan uşaqlar arasında qızların olması da müsbət məqamlardan biridir. Gələcəkdə daha yaxşı olacağını düşünürəm.
- Veteranların oyunundan nə gözləyirsiniz?
- Heydər Əliyevin 90 illik yubileyi ilə əlaqədar keçiriləcək oyunda iştirak edəcəyik. Az da olsa, azarkeşlərə futbolu sevdirməyə çalışacağıq. Məqsədimiz də budur. Çünki futbolu buraxdığımızdan əvvəlki kimi çıxış edəcək gücdə deyilik. Axşamkı oyuna tanınmış veteran futbolçular da dəvətlidirlər. Azarkeşlərin stadiona gəlməyi lazımdır. Futbol ən çox azarkeş ordusuna malik olan idman növüdür. Bu, bütün dünyada belədir.
- Gənc həmkarınız Kamran Ağayevlə görüşdünüz, meydanda oldunuz. Onu tanıyırdınız?
- O, bizim yeni dostumuzdur. Mən Azərbaycan yığması ilə oyuna gələndə, millinizin qapıçısı başqası idi. Bildiyimə görə, Kamran 4-5 ildir yığmanızda oynayır. Biz bir-birimizi tanımasaq belə, azəri və türk olduğumuz üçün hər zaman yaxınıq. Yəni qəlbimiz birdir və söhbətimiz bir yöndədir. Ağayevin karyerası yaxşı gedir. İnşallah, işləri daha yaxşı olar.
- Ağayevə, ümumiyyətlə, qapıçılarımıza nə tövsiyə edərdiniz?
- Qapıçı üçün sabitlik çox önəmlidir. Bunu saxlamaq lazımdır. Kamran da 3-4 ildir bunu qoruyur. Onunla bərabər, arxadan gələn, vaxtını gözləyən qapıçılar da var. Bilirəm ki, “Bakı”da belə bir qapıçı da var (Aqil Məmmədov nəzərdə tutulur). O da öz üzərində işləsə, yaxşı olacaq. Tövsiyəm bol-bol matç oynamalarıdır. Kaş belə imkanları olsun... Ancaq çalışmağı unutmaq olmaz.
- Sizcə, Azərbaycan futbolu da Türkiyədəki kimi inkişaf edə biləcək?
- Ola bilər ki, belə oldu. Futbolda həmişə öz inkişafını etdirdiyin zamanı başlanğıcda üzülə bilirsən. Ancaq AFFA işə başladığı zamandan böyük diqqət, marağı olub. Bunlar gələcəkdə mütləq bəhrəsini verəcək. Ancaq işin üzərində möhkəm dayanmaq lazımdır.
Mehman SÜLEYMANOV
0
0
Oxşar xəbərlər
Ana səhifə
Bütün xəbərlər
Hesabım