İspaniya futbolunun nəhəngləri “Real” və “Barselona”nın Çempionlar Liqasının yarımfinalında fiaskoya uğraması bu ölkə futbolunda enişin başlaması haqda müzakirələrə səbəb olub. Apasport.az saytının məlumatına görə, “Qəbələ”nin baş məşqçi əvəzi Luis Araqon da mövzu ilə bağlı fikirlərini açıqlayıb.

Vaxtilə “Barselona”nın akademiyasında çalışmış Araqon bu 2 klubdan fərqli yığmanın gələn il keçiriləcək dünya çempionatında da sözünü deyəcəyinə inanır: “İndi çoxları İspaniya futbolunun öldüyünü düşünür. Çökən növbəti komandanın isə İspaniya yığması olacağı iddia edilir. Lakin bunu deyənlərin cavabını 1 il sonra verəcəyik”.

Qeyd edək ki, İspaniya yığması ardıcıl 3 böyük turnirdə - AVRO-2008, DÇ-2010 və AVRO-2012-də çempion titulunu qazanıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu