“Təbii ki, belə ulduz oyunçulara qarşı oynamaq xoşdur. Bu, böyük şərəfdir. Çox xoş, maraqlı oyun oldu. Fikrimcə, veteranların hamısı bu oyundan razı qaldı. Azərbaycan üçün çox vacib tarixdir. Mən də bu görüşdə iştirak etdiyim üçün xoşbəxtəm”. Apasport.az saytının məlumatına görə, bunu “İnter”in baş məşqçisi Kaxaber Sxadadze deyib.

Ölkəmizin veteranlardan ibarət yığması dünən dünya ulduzlarından ibarət olan veteran komandaya qarşı yoldaşlıq görüşü keçirdi. Bu qarşılaşmada 44 yaşlı gürcüstanlı mütəxəssis bütün oyunboyu meydanın mərkəzində mübarizə apardı.

“Mançester Siti” və başqa tanınmış klubların şərəfini qorumuş olan Sxadadze oyundan sonra jurnalistlərin əhatəsinə düşdü. Onun Premyer Liqadakı rəqib həmkarları olan Qurban Qurbanov, Vaqif Sadıqovun oyunu haqda fikirləri isə belə olub: “Onlar çox səviyyəli futbolçulardır. Şükürlər olsun ki, sizin vaxtilə belə futbolçularınız olub”.

Səbuhi TOFİQOĞLU

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu