Topaz Premyer Liqasının XXIX turu bir sıra yerlərin sahiblərini rəsmiləşdirə bilər. Apasport.az saytının məlumatına görə, ilk “altılıq”da mükafatçılar müəyyənləşəcəksə, ikinci “altılığ”ın liderinə tam aydınlıq gəlməlidir.

Belə ki, hazırda 7-ci pillədə olan AZAL özünəməxsus çempionluğunu sona 3 tur qalmış rəsmiləşdirmək üzrədir. Bunun üçün ilk növbədə qalib gəlmək lazımdır ki, növbəti mövsümdə yüksək liqada olmayacaq “Turan”la matçda buna nail olmaq realdır. “Təyyarəçilər” hazırda ən yaxın izləyicisi olan “Rəvan”ı 8 xal qabaqlayır. Bakılılar “Sumqayıt”la matçda xal itirərsə, AZAL ikinci “altılığ”ın çempionluğu mövsüm bitməmiş qazanacaq.

Qeyd edək ki, 3 medaldan 2-nin sahibinin “Neftçi” ilə “Qarabağ” olacağı ötən tur dəqiqləşdi. “İnter” bu tur “Bakı”ya qalib gələrsə, medal kolleksiyasının tam siyahısı bilinəcək.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu