“Rəvan” Topaz Premyer Liqasının XXIX turunda “Sumqayıt”la üz-üzə gələcək. Apasport.az-ın klubun saytına istinadən məlumatına görə, mayın 4-də “Bayıl stadionu”nda keçiriləcək oyunun başlama vaxtı 17:00-dır. Hələlik isə matçdan əvvəl rəqəmlərin vəziyyəti necə əks etdirməsinə nəzər salmaq yerinə düşərdi.

“Uçan aslanlar” bu rəqiblə indiyə qədər 7 dəfə qarşılaşıb. Üstünlük tamamilə “Rəvan”ın tərəfindədir. Belə ki, baş tutan oyunların 5-də qələbəni məhz paytaxt təmsilçisi bayram edib. Top fərqində də 11:5 irəlidədir. Özü də “Sumqayıt”la səfərdə keçirilən matçların hər üçündə qalib gəlib. Maraqlısı budur ki, bütün oyunlar 1:0 hesabı ilə başa çatıb. Görəsən, bu dəfə də eyni hesab qeydə alınacaq?

“Rəvan” son 6 oyununun 5-də qələbə qazanıb. Səfər oyunlarına gəlincə, 2013-cü ildə qələbə-məğlubiyyət ardıcıllığı sıralanır. Bu baxımdan indi növbə qələbənindir. “Sumqayıt” isə son 4 matçda cəmi 1 xal toplaya bilib. Buna görə də onların elitanı tərk etmək ehtimalı qalmaqdadır.

18.09.2011 Rəvan – Sumqayıt 0:0
25.11.2011 Sumqayıt - Rəvan 0:1
11.03.2012 Sumqayıt - Rəvan 0:1
12.05.2012 Rəvan – Sumqayıt 3:2
21.10.2012 Sumqayıt - Rəvan 0:1
16.12.2012 Rəvan – Sumqayıt 2:3
07.04.2013 Rəvan – Sumqayıt 3:0

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu