Topaz Premyer Liqasında ötən turun rəmzi komandası məlum olub. Apasport.az saytının məlumatına görə, “Instat Football” şirkətinin Peşəkar Futbol Liqası üçün təqdim etdiyi turun statistik məlumatlarına əsasən XXVIII turun “11-liy”i açıqlanıb.

Qapıçı: Tural Abbaszadə (Kəpəz)

Müdafiəçilər: Oskars Klava (AZAL), Usim Nduka (AZAL), İqor Mitreski (Neftçi), Mahir Şükürov (Neftçi)

Yarımmüdafiəçilər: Cavid Tağıyev (AZAL), Lukas Mario Horvat (Bakı), Julius Vobay (Neftçi), Zohair Benouahi (AZAL)

Hücumçular: Nikolas Kanales (Neftçi), Rauf Əliyev (Bakı)

Statistikaya görə, turun ən yaxşı oyunçusu 285 xalla Kanalesdir. “Neftçi” ilə AZAL rəmzi yığmada ən çox – 4 futbolçu ilə təmsil olunan komandalardır. “Bakı”dan 2, “Kəpəz”dən 1 futbolçu düşüb. Yeri gəlmişkən, gəncəlilər cari çempionatda qapısından ən çox – 55 top buraxan komandadır.

Turun ən çox qayda pozuntusuna yol verən futbolçu “Kəpəz”in makedoniyalı yarımmüdafiəçisi Bujamin Asanidir. “Rəvan”dan kapitan Tural Axundov isə ən çox qayda pozuntusuna məruz qalmış oyunçudur.
Qapıya doğru ən çox zərbə endirən futbolçu “Turan”ın gürcü hücumçusu David Janalidze, ən çox dəqiq ötürmə verən isə AZAL-ın serbiyalı yarımmüdafiəçisi Vladimir Boqdanoviçdir.

“Qarabağ”ın argentinalı yarımmüdafiəçi Kristian Torres turun ən çox driblinq edən futbolçusudur. Hava toplarında isə “Sumqayıt”ın gənc hücumçusu Sabir Allahquliyev hamıdan uğurlu olub.

Qeyd edək ki, Premyer Liqamızda turun rəmzi yığması müəyyənləşmədiyindən, bunu yenilik saymaq olar.

Mənbə: pfl.az

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu