Azərbaycan yığmasında 2 legioner

06.05.2013 - 15:13

Qazaxıstanın Astana şəhərində təşkil olunacaq ənənəvi VII "Prezident kuboku" beynəlxalq turnirində iştirak edəcək Azərbaycan yığmasının heyəti açıqlanıb. Apasport.az saytının məlumatına görə, 17 yaşadək futbolçulardan ibarət millimiz səfərə 18 futbolçu ilə yollanacaq.

Mayın 8-dən 14-ə qədər davam edəcək yarışda Rusiya və Ukraynada çıxış edən legionerlərimiz də forma geyəcək: Ağaseyid Qasımov (“Qarabağ”), Elməddin Məmmədov, Emil Həsənzadə (hər ikisi “Neftçi”), Yusif Şirinov, Roman Hüseynov, Emin Zamanov, Bəhlul Mustafazadə, Fərid Əsədli, Yusif Nəbiyev (hamısı “Qəbələ”), Umar Akmurzaev, Renat Ağaverdiyev, Nəriman Novruzlu (hamısı “Bakı”), Elnur Cəfərov (“Xəzər Lənkəran”), Fərid Kərimzadə (“Sumqayıt”), Rəsul Babazadə, Sertan Taşqın (hər ikisi “İnter”), Şahban Cəbrayılov ("Anji", Rusiya), Əli Əsədov ("Zarya", Ukrayna).

Qeyd edək ki, yığmamız qrup mərhələsində 3 oyun keçirəcək. Komandaların qrupda tutduğu yerə müvafiq olaraq mayın 13-də final mərhələsinin oyunları keçiriləcək.

9 may
13:00. Gürcüstan - Azərbaycan

10 may
11:00. "Botafoqo" - Azərbaycan

12 may
14:00. Azərbaycan – İran