“Syominin komandamızı çalışdıracağı haqda deyilənlər həqiqəti əks etdirir. Ancaq bu hələ 100 faiz o demək deyil ki, belə də olacaq”. Apasport.az saytının məlumatına görə, bunu “Qəbələ”nin baş meneceri Zaur Əzizov deyib.

Apasport.az saytının “Qəbələ”nin yeni baş məşqçisinin Yuri Syomin olacağı xəbərini verməsi Rusiya mətbuatının bu məsələni gündəmdə saxlamasına səbəb olub. Artıq həmkarlarımız da bu informasiyanı klub rəsmiləri vasitəsilə dəqiqləşdirməyə çalışır.

Qazeta.ru-nun əməkdaşı İqor Lazorin bu məsələyə aydınlıq gətirmək üçün Zaur Əzizovun mövqeyini öyrənməyə çalışıb: “Biz artıq Yuri Pavloviçlə görüşmüşük. Yaxın günlərdə daha bir görüşümüz olacaq. Bax o zaman biz dəqiq biləcəyik ki, o, “Qəbələ”ni çalışdıracaq, ya yox. Syomin baş məşqçi postuna əsas namizədimizdir. Komandanı hazırda çalışdıran Luis Araqon isə yenə əvəzedici komandada işləyəcək. Ancaq Syomin “Qəbələ”ni iyundan erkən çalışdıra bilməz”.

Qeyd edək ki, “Qəbələ”ni çalışdırmağa digər namizədlərdən biri də məşhur argentinalı məşqçi Ektor Kuper olub. Ancaq hazırda onun komandanı çalışdırmasından söhbət gedə bilməz.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu