Braziliyalılar “Atletiko Paranaense”nin sabiq futbolçularının siyahısını tərtib etməyə başlayıb. Apasport.az saytının məlumatına görə, onlar mayın 26-da 89 yaşını qeyd edəcək Kuritiba təmsilçinin başqa klublarda oynayan futbolçularını yalnız bu siyahıya daxil edib.

Yəni, bu siyahıda vaxtilə “Atletiko Paranaense”də oynamış, ancaq karyerasını bitirmiş və ya hazırda klubsuz olan futbolçulara rast gəlinmir. Bizim üçün maraqlı məqam isə siyahıda 2003-2005-ci illərdə bu klubda çıxış etmiş olan “Qəbələ”nin futbolçusu Dieqonun da yaddan çıxmamasıdır. Braziliyalı qapıçı 2 il ərzində bu komandada 118 oyun keçirib.

Qeyd edək ki, bu siyahıda Moskva “Lokomotiv”inin qapıçısı Gilyerme, “Mersin İdman Yurdu”nun müdafiəçisi İvan de Souza, “Fənərbaxça”nın yarımmüdafiəçisi Kristian Baroni, “Traktorsazi”nin hücumçusu Qeylson Suareş və “Kasımpaşa”nın uruqvaylı forvardı Santyaqo Qarsiya da var.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu