“Dənizlispor”da çıxış edən Azərbaycan millisinin yarımmüdafiəçisi Arif İsayev və müdafiəçi Rail Məlikovun komanda yoldaşları Mustafa Güngör, Əhməd Yıldız, Həsən Mete Kabagel, Berkay Kuskan və Əhməd Aktaş günorta saatlarında gəzmək məqsədi ilə “Çamlıq” dağına gediblər. Apasport.az saytının məlumatına görə, burada 5 futbolçudan 2-nin başına istəmədikləri hadisə gəlib.

Belə ki, yağmurlu havada “Bayraq Təpəsi Mevkii” deyilən ərazidə Əhməd Aktaşın ayağı burxulub. Mustafa Güngör isə qolundan yüngül yaralanıb. Olduqları yerdə çıxılmaz vəziyyətdə qalan 5 futbolçu telefonla polisə zəng vurub, kömək istəyib. Polis də təhlükəsizlik qrupu və təcili yardımla birgə sözügedən şəxslərin axtarışına başlayıb. Polislər əvvəlcə onların yerini müəyyənləşdirib, təxminən 1 saatdan sonra isə Ariflə Railin komanda yoldaşlarını tapmağı bacarıb.

Daha sonra yaralı futbolçuları Dənizli Dövlət Xəstəxanasına aparıblar. Tibbi müayinədən sonra Güngör ilə Aktaş evə buraxılıb.

Qeyd edək ki, “Dənizlispor” Türkiyə PTT I divizionunun XXXIV turu çərçivəsində evdə “Bucaspor”la qarşılaşacaq.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu