İspaniya La Liqasının XXXVI turu şərçivəsində “Santyaqo Bernabeu” stadionunda “Malaqa”nı 6:2 hesabı ilə məğlub edən “Real”ın hücumçusu Kriştianu Ronaldo üçün əlamətdar olub. Apasport.az saytının məlumatına görə, matçın 26-cı dəqiqəsində qonaqları cəzalandıran portuqaliyalı futbolçu yubiley qola imza atıb.

Belə ki, Ronaldo “Kral klubu”nun heyətində meydana çıxdığı 197 rəsmi oyunda 200-cü topunu vurub. Bu mövsüm isə o, 53 matçda 54-cü qolunu rəqib komandanın qapısından keçirib.

Qeyd edək ki, 2009-cu ildə “Real”da çıxış edən Kriştianu bu komandanın bobardirlər siyahısında 6-cı pilləyə yüksəlib. Ronaldonu 5-ci sırada qərarlaşan 1985-1992-ci illər arasında Madrid təmsilçisinin formasını geyinən Uqo Sançeslə 8 top ayırır. Lider isə 323 topla Raul Qonsalesdir.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu