Bu gün Astana şəhərində 17 yaşadək futbolçulardan ibarət komandalar arasında “Qazaxıstan Respiblikasının Prezidenti Kuboku” turniri start götürüb. Apasport.az saytının məlumatına görə, turnirin mükafat fondu təşkilatçılar tərəfindən açıqlanıb.

Belə ki, Qazaxıstan Futbol Federasiyasının Milli Komandalar Departamentinin direktoru Vladimir Niderqausun sözlərinə görə, qalib komanda 10 min ABŞ dolları qazanmaq hüququ əldə edəcək. 2-ci və 3-cü pillənin sahibləri isə müvafiq olaraq 6 min və 4 min dollar mükafat qazanacaq.

Turnirin yekununda həmçinin ən yaxşı qapıçı, müdafiəçi, yarımmüdafiəçi, hücumçu, bombardir və ən yaxşı oyunçu müəyyənləşdirilərək xüsusi prizlərlə mükafatlandırılacaq. Eləcə də turnirin hakimlər heyəti mükafatsız qalmayacaq.

Qeyd edək ki, bu turnirdə U-17 milli komandamız da iştirak edir.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu