“Mançester Yunayted”in yeni baş məşqçisinin adı rəsmən açıqlanıb. Apasport.az saytının məlumatına görə, “qırmızı şeytalar”dan gedəcəyini bildirən Aleks Ferqyussonun boş qalan postuna “Everton”un hazırkı çalışdırıcısı Devid Moyes gətiriləcək.

Liverpul təmsilçisi ilə müqaviləsinin müddəti mövsümün sonunda başa çatacaq olan 50 yaşlı şotlandiyalı mütəxəssis iyulun 1-dən etibarən həmyerlisinin varisi olacaq. “Mançester Yunayted” Moyeslə 6 illik müddətinə razılaşıb.

Qeyd edək ki, Devid 2002-ci ildən “Everton”a başçılıq edir. O, 2003, 2005, və 2009-cu illərdə İngiltərə Futbol Məşqçilər Assosiasiyasının versiyasına görə ilin ən yaxşı məşqçisi mükafatına layiq görülüb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu