“Bavariya”nın futbolçusu Frank Riberi komanda yoldaşı Jerom Boatenqdən küsüb. Apasport.az saytının məlumatına görə, bunun səbəbləri isə çox maraqlı bir şəkildə baş verib.

Belə ki, Münhen klubu Bundesliqada çempionluq zəfərini bayram edən zaman, müsəlman olduğu bilinən fransalı yarımmüdafiəçi əvvəlcədən komanda yoldaşlarından spirtli içkiləri ondan uzaq tutmalarını istəyib. Lakin Boatenq Riberinin bu sözlərinə məhəl qoymayaraq, onun başından aşağı pivə töküb.

Qanaəsilli almaniyalı müdafiəçinin bu hərəkətinə olduqca əsəbiləşən Frank onunla bir daha danışmayacağını bildirib. O, Jeromun bunu bilə-bilə etdiyini vurğulayıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu