“Qarabağ” daha 2 futbolçu ilə müqaviləni yeniləyib. Apasport.az saytının məlumatına görə, daha öncə Maksim Medvedev, Vüqar Nadirov, Fərhad Vəliyev və Namiq Yusifovla müqavilə imzalayan Ağdam klubu bu dəfə 2 legionerlə danışıqları uğurla tamamlayıb.

Bunlar albaniyalı müdafiəçilər Admir Teli və Ansi Aqollidir. Hər 2 futbolçu 1 illik müqaviləyə imza atıb və növbəti mövsümdə də “Qarabağ”ın uğurları üçün tər tökəcək.

Qeyd edək ki, Teli 2009-cu ilin yanvarından “Qarabağ”da top qovur. Mərkəz müdafəçisi mövqeyində çıxış edən Teli stabilliyi ilə də seçilir. Admir ötən mövsüm bütün oyunlarını əvəzedilmədən keçirib və cari mövsüm bu seriyanı ümumilikdə 88-ə çatdıraraq rekord qırıb. Albaniya millisinin də şərəfini qoruyan sol cinah oyunçusu Aqolli isə “Qarabağ”a 2010-cu ilin yayında qoşulub.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu