Tarixinin ən uğursuz mövsümlərindən birini keçirərək avrokuboklardan kənar qalan “Bakı” əməkdaşlıq etdiyi İspaniya “Atletiko”sunun müvəffəqiyyəti ilə təsəlli tapıb. Apasport.az saytının məlumatına görə, paytat təmsilçisi İspaniya kubokunu qazanan madridlilərin uğuruna biganə qalmayıb.

Bakılılar öz rəsmi saytları vasitəsilə final matçında İspaniya nəhəngi “Real”ı məğlub edən “Atletiko”ya təbrik də ünvanlayıb: "Bakı" futbol klubunun kollektivi "Atletiko"nu İspaniya kral kubokunun finalında qazanılan möhtəşəm qələbə münasibəti ilə təbrik edir, qardaş kluba gələcək fəaliyyətində daha böyük uğurlar arzulayır. "Atletiko"nun İspaniya kubokunun finalında dünya nəhənglərindən sayılan "Real"la derbidə nümayiş etdirdiyi xarakter və bunun nəticəsində əzmkar qələbə qazanması Azərbaycanda böyük sevinclə qarşılandı”.

Qeyd edək ki, Madrid derbisində “Atletiko” əlavə vaxtda vurulan qolla 2:1 hesablı qələbə qazanıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu