Rusiya klubları “Beşiktaş”ın hücumçusunu istəyir

21.05.2013 - 05:12

Ötən mövsüm Rusiya klublarından ciddi təkliflər alan, lakin “Beşiktaş”ın buraxmadığı Mustafa Pektemek yenə eyni ölkənin komandalarının maraq dairəsinə düşüb. Apasport.az saytının məlumatına görə, İstanbul təmsilçisinin rəhbərliyi bu mövsüm istənilən oyunu sərgiləyə bilməyən hücumçu üçün göndəriləcək təklifləri dəyərləndirəcək.

Pektemekin “qara qartallar”la 2015-ci ilə qədər hələ müqaviləsi var. “Beşiktaş” isə onu 7 milyon avroya satmaq niyyətindədir.

Qeyd edək ki, Mustafa 2011-ci ildə “Beşiktaş”a “Gənclərbirliyi”ndən keçib. O, burada 43 oyunda forma geyinib və 10 qola imza atıb.