Hollandiya milli komandasının baş məşqçisi Lui van Qal iyunun 7-də İndoneziya və 4 gün sonra Çin yığmaları ilə keçiriləcək yoldaşlıq matçlarına dəvət etdiyi oyunçuların siyahısını açıqlayıb. Apasport.az saytının məlumatına görə, təcrübəli çalışdırıcının siyahısında 21 futbolçunun adı yer alıb.

Van Qal heyətə 4 yeni oyunçu dəvət edib. Müdafiəçi Mikel Nelom, yarımmüdafiəçilər Lerin Duarte, Yens Tornstra və hücumçu Riki van Volfsvinkel ilk dəfə millinin formasını geyinəcək.

Qeyd edək ki, “narıncılar” İndoneziya ilə Cakartada, Çinlə isə Pekində qarşılaşacaq.


Qapıçılar: Yasper Sillessen, Kennet Vermer (hər ikisi “Ayaks”), Mihel Vorm (“Suonsi”, İngiltərə)

Müdafiəçilər: Ron Vlar (“Aston Villa”, İngiltərə), Con Heytinqa (“Everton”, İngiltərə), Daril Yanmat, Mikel Nelom (hər ikisi “Feyenoord”), Erik Piters (PSV), Duayt Tindalli (“Suonsi”, İngiltərə)

Yarımmüdafiəçilər: Uesli Sneyder (“Qalatasaray”, Türkiyə), Conatan de Quzman (“Suonsi”, İngiltərə), Aren Robben (“Bavariya”, Almaniya), Rafael van Vart (“Hamburq”, Almaniya), Yens Tornstra (“Utrext”), Lerin Duarte (“Herakles”)

Hücumçular: Cermeyn Lens (PSV), Riki van Volfsvinkel (“Sportinq”, Portuqaliya), Robin van Persi (“Mançester Yunayted”, İngiltərə), Dirk Kuyt (“Fənərbaxça”, Türkiyə), Ruben Şaken (“Feyenoord”), Sim de Yonq (“Ayaks”)

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu