Avqustun 11-də baş tutmalı olan Türkiyə Superkuboku ölkəmizdə keçirilə bilər. Apasport.az saytının məlumatına görə, Türkiyə Futbol Federasiyası “Qalatasaray” ilə “Fənərbaxça” arasında baş tutmalı olan qarşılaşmanın Bakıda keçirilməsi hər 2 kluba müraciət edib.

“Fanatik” qəzetinin iddiasına görə, TFF rəsmiləri bunun üçün hər 2 tərəflə görüşəcək. Onların razılığı alınacağı halda, nəinki Türkiyənin, dünyanın ən böyük derbilərindən hesab olunan “Qalatasaray” – “Fənərbaxça” derbisi paytaxtımızda keçiriləcək.

Qeyd edək ki, ötən il də bu 2 komanda arasında baş tutmalı olan Superkubok görüşünün Bakıda oynanılacağı məhz may ayında gündəmə gəlmişdi. Ancaq klublar stadionumuzun durumunun pis olması üzündən buna müsbət yanaşmamış və belədə derbi Ərzurumda baş tutmuşdu.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu