“Neftçi” ciddi itki ilə üzləşə bilər. Apasport.az saytının məlumatına görə, ehtiyat qapıçısı Conni Leonini Azərbaycandan qaçıran “ağ-qaralar” əsas əlcək sahibi Saşa Stamenkoviçi də itirmək təhlükəsi ilə üz-üzədir.

Belə ki, ardıcıl 2 ildir “Neftçi”də çıxış etməklə qazanılan çempionluqlarda əvəzsiz pay sahibi olan serbiyalı ölkə xaricindən cəlbedici təkliflər alıb.

Komandasının Avropa Liqasının qrupundakı çıxışından sonra Ukraynanın ortabab, Qazaxıstanın iddialı klubları ona müştəri düşüb. Müqaviləsi başa çatan Stamenkoviç özü də Bakıda qalmağın tərəfdarıdır.

Lakin bu həftəsonu yekunlaşmalı olan danışıqlar müsbət nəticə verməsə, serbiyalı Ukrayna təmsilçisi ilə masa arxasına oturacaq.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu