Mayın 29-dan iyunun 2-ə kimi Qazaxıstanın kurort şəhəri olan Şuçinskdə 4 ölkənin qadınlardan ibarət boks yığmalarının iştirakı ilə komanda görüşləri təşkil olunacaq. Boks Federasiyasından apasport.az saytına verilən məlumata görə, yarış Ualiyev adına idman məktəbinin kompleksində keçiriləcək.

Turnirdə Qazaxıstan, Azərbaycan, Ukrayna və Rusiya komandaları iştirak edəcək.

Azərbaycan milli komandasının heyəti:
48 kq. Ceyran Dadaşova – Hamburqda keçirilən beynəlxalq turnirin finalçısı (2013-cü il)
51 kq. Əzizə Abbasova – Hamburqda keçirilən beynəlxalq turnirin qalibi (2013)
54 kq. Anna Əlimərdanova – Bolqarıstanda keçirilən beynəlxalq turnirin mükafatçısı (2012)
64 kq. Yana Alekseyeva – Avropa birinciliklərinin mükafatçısı (2007,2009)
75 kq. Leyla Cavadova – yeniyetmələr arasında Avropa birinciliyinin finalçısı (2011)
81 kq+. Aynur Rzayeva – Almatıda keçirilən beynəlxalq turnirin finalçısı (2012)

Digər komandalar 10 boksçu ilə təmsil olunsalar da, millimizin heyətində yalnız 6 xanım dəri əlcək ustası mübarizə aparacaq.

Yarışın təqvimi
29 May
14.00. Ukrayna – Azərbaycan
17.30. Açılış mərasimi
18.00. Qazaxıstan – Rusiya

30 May
14.00 Rusiya – Ukrayna
18.00. Qazaxıstan – Azərbaycan

1 iyun
15.00. Rusiya – Azərbaycan

2 iyun
14.00. Qazaxıstan – Ukrayna

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu