“Təbii ki, oyunu kənardan izləmək asan deyil. Komandaya kömək etmək istəyirsən, ancaq bunu edə bilmirsən”. Bu fikirləri apasport.az saytına açıqlamasında “Xəzər Lənkəran”ın rumıniyalı futbolçusu Adrian Pit deyib.

2011-ci ildə cənub klubunun heyətində Azərbaycan kubokunun qalibi olan sol cinah yarımmüdafiəçisi budəfəki finalı kənardan izləməli olacaq. Belə ki, Pitin zədəli olmağı onu “Neftçi” ilə sabahkı final matçını tribunadan izləmək məcburiyyətində qoyur.

Lənkəranlıların bugünkü məşqini kənardan izləyən legioner komanda yoldaşlarına güvənir: “Bütün mövsüm ərzində oynayırsan ki, sonda gəlib belə bir matçlarda iştirak edəsən. Ancaq mən oldum-olmadım, komanda meydana qələbə üçün çıxacaq. Nəticə 1 oyunçudan asılı olmur. Bu, final oyunudur, şanslar bərabərdir”.

Mehman SÜLEYMANOV

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu