Gəncə Regional Futbol Federasiyasının prezidenti, eləcə də “AzNur” şirkətinin rəhbəri Xanlar Fətiyevin “Kəpəz”ə sponsorluqdan imtina etməsindən sonra gözlənilənlər baş verib. Apasport.az saytının məlumatına görə, klubun prezidenti Elmir Əliyev və vitse-prezident Kamran Hüseynov başda olmaqla, “Kəpəz”in bütün rəhbərliyi istefaya gedib.

“Kəpəz”in ev oyunlarını keçirdiyi Gəncə şəhər stadionu da rəsmən Gəncə Gənclər və İdman İdarəsinə təhvil verilib. İndi klub yeni rəhbərliyini gözləyir. SOCAR rəsmiləri kluba sponsorluq edəcəklərinə dair deyilənləri təkzib etsələr də, məhz bu qurumun “Kəpəz”i himayəyə götürəcəyi daha inandırıcı görünür. Çünki heç kim aşağı dəstəyə düşmüş komandaya yaxın durmaq niyyətində deyil...

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu