“Simurq” heyətini daha bir futbolçu ilə gücləndirib. Apasport.az saytının məlumatına görə, Zaqatala təmsilçisi hücum xəttində Zdravko Popoviç və Tomislav Buşiçlə müqavilələri artırmayıb.

Bu üzdən komanda ölkə futboluna tanış olan Salif Ballonu heyətinə qatıb. O, sərbəst futbolçu kimi “Simurq”la anlaşıb. Malili hücumçu ilə 1 illik müqavilə bağlanılıb. Bu, “Simurq”un ilk legioner transferidir.

Qeyd edək ki, 24 yaşlı futbolçu ötən qış Cüneyt Biçərin vaxtında Bamako “Real”ından “Xəzər Lənkəran”a gətirilib. Cari mövsümdən “Turan”da çıxış edən və 12 qola imza atan Ballonu qışda “Simurq”la “Qəbələ” istəsə də, bu klublara çox pul oxunması keçidin baş tutmamasına səbəb olmuşdu.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu