İngiltərə Premyer Liqasına vəsiqə qazanan üçüncü komandanın adı bəlli olub. Apasport.az saytının məlumatına görə, daha əvvəl elit diviziona keçən “Kardiff Siti” və “Hall Siti”dən sonra “Kristal Pelas” da növbəti mövsüm Premyer Liqada çıxış edəcək.

“Kristal Pelas” pley-offda “Uotford”la qarşılaşıb. Matçın əsas vaxtında hesab açılmayıb. Əlavə dəqiqələrdə isə 39 yaşlı Kevin Filips penaltidən komandasına vacib olan qola imza atıb - 1:0.

Qeyd edək ki, “Kristal Pelas” sonuncu dəfə Premyer Liqada 8 il bundan əvvəl mübarizə aparıb. Həmçinin bu komanda elit diviziona vəsiqə qazandığı üçün 140 milyon avro əldə edib.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu