“Yuri Syominlə müqaviləni 1+1 il prinsipiylə bağlamağımız hər iki tərəfin istəyi nəticəsində oldu”. Apasport.az saytının məlumatına görə, bu sözləri “Qəbələ” klubunun prezidenti Tale Heydərov deyib.

T.Heydərov ikinci dəfə keçirilən Qəbələ kubokunun ilk oyun günü jurnalistlərlə görüşüb. Media nümayəndələrinin suallarını cavablandıran klub rəhbəri əsas komandaya rusiyalı mütəxəssis Yuri Syominin təyinatı ilə bağlı fikirlərini açıqlayıb: “Syomini seçməyimiz onun MDB məkanından olması ilə bağlıdır. Regionu yaxşı tanıyır, futbolçuların qabiliyyətinə bələddir. Bizim Braziliya və Hollandiyadan da namizədlərimiz var idi. Lakin həmin amilə görə Syominə üstünlük verdik”.

Heydərov Qəbələdə təşkil olunan 15 yaşadək futbolçular arasında turnirin əhəmiyyəti haqda da danışıb: “Qəbələ” klubunun belə bir infrastrukturu, stadionu, meydançaları, şəraiti varsa, niyə də belə turnirlər təşkil etməyək? Belə beynəlxalq matçlarda güclü komandalarla görüşən futbolçularımız da oyun təcrübəsini artırmış olur”.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu