Bu mövsüm Bundesliqanın qalibi, Almaniya kubokunun sahibi və Çempionlar Liqasını qazanan “Bavariya” 2 futbolçusu ilə müqaviləsinin müddətini uzadıb. Apasport.az saytının məlumatına görə, bu oyunçular yarımmüdafiəçi Frank Riberi və müdafiəçi Daniel van Buytendir.

Münhen klubu fransalı futbolçu ilə 2017-ci ilə, belçikalı oyunçu ilə 2014-cü ilin qədər yenidən razılaşıb.

Qeyd edək ki, Riberi 2007-ci ildən “Bavariya”nın formasını geyinir. O, 155 matçda meydana çıxıb və 53 qola imza atıb. 2006-cı ildən Münhen təmsilçisində top qovan Daniel van Buyten isə 141 dəfə bu klubun heyətində çıxış edib.

• “Fənər”də ciddi itki
• Ostervolde “Roma” yolunda - “Fənər” nə qədər qazanacaq?
• “Leypsiq”dən “Atalanta”ya - RƏSMİ
• “Barselona”dan “Braqa”ya - RƏSMİ
• “Çelsi” Pedro ilə müqaviləni yenilədi - RƏSMİ