Azərbaycan yığması bu gün dünya çempionatının seçmə mərhələsi çərçivəsində növbəti oyununu keçirib. Apasport.az saytının məlumatına görə, millimiz yer aldığı F qrupunda Lüksemburqu qəbul edib.

“Bakcell Arena”da baş tutan matçda yığmamız qrupda ilk qələbəsini qazana bilməyib.

Düzdür, görüşə daha yaxşı başlayan komandamız olub. İlk hissədə bir neçə real qol vəziyyətini boşa verən futbolçularımız fasiləyə qolsuz heç-heçə ilə yollanıb. Yığmamız ikinci yarıya da iddialı start verib. Elə bunun məntiqi davamı olaraq, “Rubin”in heyətində çıxış edən Ruslan Abışov hesabı açıb. Lakin millimizin qol sevinci çox çəkməyib.

Belə ki, matçın 80-ci dəqiqəsində Stefan Bensi yığmamızı cəzalandırıb. Buraxılan qoldan sonra futbolçularımız irəli atılsa da, istədiklərinə nail ola bilməyib və qarşılaşma 1:1 hesabı ilə başa çatıb.

Qeyd edək ki, bu komandalar arasında Lüksemburqda keçirilən oyunda da heç-heçə qeydə alınmışdı.


DÇ-2014-ün seçmə mərhələsinin qrup görüşü

AZƏRBAYCAN – LÜKSEMBURQ - 1:1
QOLLAR: Ruslan Abışov, 71 - Stefan Bensi, 80
QIRMIZI VƏRƏQƏ: Branimir Subaşiç, 85
“Bakcell Arena”. Hakimlər: Mihay Fabian, İştvan Norbert Albert, Peter Berettyan, Şandor Ando-Sabo (hamısı Macarıstan)
Hakim-inspektor: Sokol Yaretsi (Albaniya)
UEFA nümayəndəsi: Tuqomir Frayman (Sloveniya)

AZƏRBAYCAN: 1. Kamran Ağayev, 3. Rasim Ramaldanov, 4. Mahir Şükürov, 5. Elnur Allahverdiyev, 6. Rəşad Sadiqov, 7. Vaqif Cavdov, 14. Rəşad Sadıqov (k), 15. Ruslan Abışov, 17. Araz Abdullayev, 19. Rahid Əmirquliyev, 20. Rüfət Dadaşov
Ehtiyat oyunçular: 12. Anar Nəzirov, 23. Səlahət Ağayev, 2. Bədavi Hüseynov, 8. Pərdis Fərcad-Azad, 9. Qara Qarayev, 10. Elvin Məmmədov, 11. Branimir Subaşiç, 13. Arif İsayev, 16. Cavid Hüseynov, 18. Maksim Medvedev, 21. Vladimir Levin, 22. Əfran İsmayılov
Baş məşqçi: Berti Foqts

LÜKSEMBURQ: 1. Jonatan Juber, 4. Erik Hoffmann (k), 5. Maksim Şano, 7. Massimo Martino, 11. Stefano Bensi, 13. Aurelyen Yoahim, 16. Kris Filips, 17. Mario Mutş, 18. Loryan Yans, 21. Maurie Devil, 22. Lars Gerson.
Ehtiyat oyunçular: 12. Mars Obervays, 6. Rene Peters, 9. Daniel Da Mota, 10. Ben Payal, 14. Tom Latersa, 15. Ante Bukviç, 19. Antonio Luisi, 20. David Turpel
Baş məşqçi: Luk Holts


Portuqaliya 7 4 2 1 12-6 14
Rusiya 5 4 0 1 8-1 12
İsrail 6 3 2 1 15-8 11
Azərbaycan 7 0 4 3 3-9 4
Şimali İrlandiya 5 0 3 2 3-7
Lüksemburq 6 0 3 3 1-3 3

• “Fənər”də ciddi itki
• Ostervolde “Roma” yolunda - “Fənər” nə qədər qazanacaq?
• “Leypsiq”dən “Atalanta”ya - RƏSMİ
• “Barselona”dan “Braqa”ya - RƏSMİ
• “Çelsi” Pedro ilə müqaviləni yenilədi - RƏSMİ