Ölkəmizi Avroliqada təmsil edəcək “İnter” bu gün ilk yoxlama oyununu keçirib. Apasport.az saytının xəbərinə görə, paytaxt klubu “Kartalspor”la gücünü sınayıb.

Kaxaber Sxadadzenin yetirmələri bu görüşdə rəqibini darmadağın edib. Qarşılaşma 13:0 hesabı ilə başa çatıb.

“Bankirlər”in heyətində Daniel Genov, Mirsahib Abbasov və Ramil Mansurov hərəyə 3 qol vurub, Baçana Sxadadze isə dubla edib. Digər topları isə rəqibin qapısından Aleksandr İaşvili və Samir Zərgərov keçiriblər.

Qeyd edək ki, “Kartalspor” ötən mövsüm Türkiyənin 1-ci dəstəsində mübarizə aparsa da, 16-cı pilləni tutaraq 2-ci liqaya yuvarlanıb. Ancaq İstanbul klubu yenidən 1-ci dəstədə mübarizə aparmaq üçün Türkiyə Futbol Federasiyasına müraciət edib.

Yoldaşlıq oyunu
10 iyun

“İnter” – “Kartalspor” - 13:0

• “Fənər”də ciddi itki
• Ostervolde “Roma” yolunda - “Fənər” nə qədər qazanacaq?
• “Leypsiq”dən “Atalanta”ya - RƏSMİ
• “Barselona”dan “Braqa”ya - RƏSMİ
• “Çelsi” Pedro ilə müqaviləni yenilədi - RƏSMİ