Toqo yığması Tripolidə meydana çıxmaq istəmir

12.06.2013 - 19:06

İyunun 14-də Liviya millisi və Toqo yığması arasında DÇ-2014-ün seçmə mərhələsi çərçivəsində oyun keçiriləcək. Apasport.az saytının məlumatına görə, qonaq komandanın futbolçuları bu görüşə çıxmaqdan imtina edib.

Belə ki, bu yaxınlarda oyunun keçiriləcəyi nəzərdə tutulan Benqazidə partlayış olduğu üçün FİFA matçın məkanını paytaxt Tripoliyə təyin etdi. Lakin toqolular bununla razılaşmayırlar. Buna isə onlar qəbul edən tərəfin görüşün keçirilməsi zamanı təhlükəsizliyi təmin edə biləcəklərinə inanmırlar.

Artıq “Marsel”in yarımmüdafiəçisi Aleksis Romao və “Reyms”in futbolçusu Jonatan Ayite milli komandanın düşərgəsini tərk edərək, Fransaya qayıdıblar.