Almaniyalılar “Bakı” klubunun futbolçusu Namiq Ələskərovu bəyənib. Apasport.az saytının məlumatına görə, “Münhen 1860” klubunun gənclərdən ibarət komandasının Azərbaycan 19 yaşadək futbolçulardan ibarət milli komandası ilə yoxlama oyununda het-trik edən futbolçu qarşılaşmanı izləyənləri məftun edib.

Belə ki, Münhen təmsilçisinin qeyri-rəsmi saytı oyun haqda yazısında daha çox bombardirimizi tərifləyib: “Ən tanınmış azərbaycanlı futbolçulardan biri olan Namiq Ələskərov 3 dəqiqəyə 2 qol vurmaqla qələbə qazanmaq arzularımızın üstündən xətt çəkdi. Sol cinahdan təxminən 22 metrdən cərimə zərbəsi ilə hesabı bərabərləşdirən futbolçu 2 dəqiqə sonra yığmasını önə çıxardı. Bu dəfə Namiq 2 müdafiəçini arxada qoymaqla qol sevinci yaşadı. Bundan sonra komandamız hesabı bərabərləşdirə bildi. Qarşılaşmanın ən ədalətli nəticəsi heç-heçə olsa da, Ələskərov daha 1 qolla buna mane oldu”.

• “Fənər” “Lion"la matça 4 itki ilə çıxacaq
• Savinyo rəsmən "Tottenhem"də
• Sabiq "Liverpul"lu İspaniya klubunda
• Elye Vahi “Nitsa”ya qayıtdı
• “Sabah” - “Hapoel” matçı bu kanalda - TV AFİŞA