Türkiyə Superliqasının 2013-2014 mövsümünün püşk atması keçirilib. Apasport.az saytının məlumatına görə, 18 komandanın mübarizə aparacağı ölkə çempionatında bütün rəqiblər müəyyənləşib.

Azərbaycan millisinin hücumçusu Cihan Özkaranın şərəfini qoruduğu “Sivasspor” ilk görüşünü səfərdə keçirəcək. “Qırmızı-ağlar”ın rəqibi “Kayserispor” olacaq.

Yığmamızın digər üzvü Ufuk Budakın çıxış etdiyi “Əskişəhərspor” isə ilk oyuna evdə başlayacaq. Baş məşqçi Ərtoğrul Sağlamın yetirmələri “Bursaspor”la qarşılaşacaq.

Qeyd edək ki, Türkiyə Superliqasının birinci turunun matçları 17-18 və 19 avqustda start verəcək. Çempionatın ilk dövrəsinin son oyunları isə 28-29 və 30 dekabrda keçiriləcək.

• Mudrik "Tottenhem"də - RƏSMİ
• “Mançester Siti”dən 145 milyon avroluq bomba – 5 illik müqavilə
• "Qalatasaray"dan növbəti transfer: Fransız müdafiəçi
• Kevin Danso “Sanderlend”ə keçib
• Seneqal millisinin üzvü “Yuventus”da - RƏSMİ