Yığmamızdan daha bir antirekord
05.08.2013 - 11:59
17 yaşadək qızlardan ibarət Azərbaycan millisi Avropa çempionatının seçmə mərhələsində antirekorda imza atıb. Apasport.az saytının məlumatına görə, komandamız bir turnirdə buraxılan qolların sayında ən pis nəticəsini təkrarlayıb.
Avstriyaya 0:7 hesabı ilə uduzduqdan sonra millimiz Polşadan 5 cavabsız qol buraxıb. 2 matçda 12 dəfə topu qapısında görən Siyasət Əsgərovun yetirmələri 2 il əvvəlki uğursuzluğu təkrarlayıblar.
Lakin 2011-ci ildə yığmamız 12 topu 3 qarşılaşmada buraxmışdı. Həmin vaxt Ukraynaya 0:3, İspaniyaya 0:7 hesabı ilə uduzan millimiz Bosniya və Hersoqovinadan da xal ala bilməmişdi – 1:2.
Bu dəfə Polşadakı seçmə mərhələdə daha 1 oyunu qalan yığmamız Qazaxıstandan 1 top buraxmaqla təkrarladığı antirekordu yeniləmiş olacaq. Lakin ilk 2 görüşdə daha bərbad çıxış edən və qapısından ümumilikdə 19 cavabsız qol buraxan qazaxıstanlıların bunu bacaracağı o qədər də inandırıcı deyil.
Qeyd edək ki, yığmamızın Avstriyaya uduzması da ən böyük hesablı məğlubiyyət antirekordunun təkrarı idi. Komandamız seçmə mərhələlərində belə uduzmamışdı.
Avstriyaya 0:7 hesabı ilə uduzduqdan sonra millimiz Polşadan 5 cavabsız qol buraxıb. 2 matçda 12 dəfə topu qapısında görən Siyasət Əsgərovun yetirmələri 2 il əvvəlki uğursuzluğu təkrarlayıblar.
Lakin 2011-ci ildə yığmamız 12 topu 3 qarşılaşmada buraxmışdı. Həmin vaxt Ukraynaya 0:3, İspaniyaya 0:7 hesabı ilə uduzan millimiz Bosniya və Hersoqovinadan da xal ala bilməmişdi – 1:2.
Bu dəfə Polşadakı seçmə mərhələdə daha 1 oyunu qalan yığmamız Qazaxıstandan 1 top buraxmaqla təkrarladığı antirekordu yeniləmiş olacaq. Lakin ilk 2 görüşdə daha bərbad çıxış edən və qapısından ümumilikdə 19 cavabsız qol buraxan qazaxıstanlıların bunu bacaracağı o qədər də inandırıcı deyil.
Qeyd edək ki, yığmamızın Avstriyaya uduzması da ən böyük hesablı məğlubiyyət antirekordunun təkrarı idi. Komandamız seçmə mərhələlərində belə uduzmamışdı.
Oxşar xəbərlər
Ana səhifə
Bütün xəbərlər