Daha bir milli komanda da baş məşqçi istefası reallaşıb. Apasport.az saytının məlumatına görə, Litva Futbol Federasiyası yığmanın çalışdırıcısı Çobo Laslo ilə müqaviləni pozub.

Buna səbəb komandanın DÇ-2014-ün seçmə mərhələsindəki uğursuz çıxışıdır. Düzdür, G qrupunda yer alan və 8 xalla 4-cü pillədə qərarlaşan Litva millisi son matçda Lixtenşteyni məğlub edib (2:0). Amma rəhbərlik əldə olunan nəticələri qənaətbəxş saymır.

Assosiasiyanın rəsmi saytında yer alan xəbərdə qeyd olunur ki, komandanı DÇ-2014-ün seçmə mərhələsinin son oyunlarına macarıstanlı mütəxəssisin köməkçisi İqor Pankratyev çıxaracaq.

2012-ci ildə Litva yığmasına rəhbərlik edən Çobo Laslonu rusiyalı Konstantin Sarsaniyanının əvəzləyəcəyi gözlənilir.

Qeyd edək ki, Litva millisinin 2 üzvü ölkəmizdə top qovur. Bunlar “Bakı”nın futbolçuları Mindauqas Kalonasla Devidas Çesnauskisdir.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -