UEFA-nın açıqlamadığı siyahı

13.09.2013 - 15:17

Avro-2020-ni qəbul etməyə namizədlərin ilkin siyahısı müəyyənləşib. Apasport.az saytının məlumatına görə, 13 şəhərdə keçiriləcək yarışı qəbul etmək istəyənlər sentyabrın 12-dək UEFA-ya müraciət etməli idi.

Namizədlik üçün verilən vaxt bitsə də, Avropa futbol qurumu namizədliyini verən şəhərlərin tam siyahısını hələ də açıqlamayıb. Görünür, UEFA İcraiyyə Komitəsinin sentyabrın 20-də keçiriləcək yığıncağını gözləməyi lazım bilib. Orada namizədliklər təsdiqlənərək, qəbul olunmalıdı.

Lakin bu siyahı müxtəlif mənbələrdə yer alıb. Amma müəyyən fərqlərlə. Əksər mənbələrdə 19 ölkədən 21 şəhərin namizədliyinin verildiyi iddia edilir. Düzdür, adı bu “21-lik”də olmayanlardan Milan, Roma, Münhen, Oslo, Afina, Buxarest, Qüds, Stokholm, Barselona, Madrid və Valensiyanın da adı bəzi yerlərdə hallanır.

Nisbətən daha çox həqiqətə yaxın olan “21-lik”də Bakının da adı var. Paytaxtımızın burada demək olar ki, 18 rəqibi var. Ona görə 18 ki, 2 şəhərlə təmsil olunan Portuqaliya və Ukraynanın hərəsindən yalnız 1-i yarışı qəbul edəcək. Yəni 19 ölkədən 6-sı kənarda qalacaq.

Azərbaycan	Bakı	Olimpiya stadionu	68000
Belarus	Minsk	Traktor stadionu	33000
Belçika	Brüssel	Milli stadion	60000
Bolqarıstan	Sofiya	Vasil levski adına milli stadion	43230
Fransa	Lion	Srad de Lümyer	61556
Macarıstan	Budapeşt	Nyu Puşkaş Drrens stadium	65000
Hollandiya	Amsterdam	Amsterdam Arena	53052
Portuqaliya	Lissabon Porto	Estadio da Luj Estadio do Draqao	65647 56399
Rusiya	Sankt-Peterburq	Zenit Arena	69500
Serbiya	Belqrad	Srvena Zvezda stadionu	55538
İspaniya	Bilbao	San Mames	53000
İsveçrə	Bazel	Sent Yakov stadionu	38512
Türkiyə	İstanbul	Atatürk Olimpiya stadionu	76092
Ukrayna	Donetsk Kiyev	Donbasss-Arena Olimpiyski	52187 72050
İngiltərə	London	Uembli	90000
Şotlandiya	Qlazqo	Hempden Park	52063
İrlandiya	Dublin	Aviva stadionu	51700
Uels	Kardiff	Millenium stadionu	74500
Çexiya	Praqa	Eden	20800