Madrid "Atletiko"su bir çox klubların transfer hədəfində olan türkiyəli futbolçusu Arda Turanın sözləşməsini yeniləyib. Apasport.az saytının məlumatına görə, İspaniya təmsilçisi 26 yaşlı futbolçu ilə mövcud müqavilənin müddətini 2017-ci ilə qədər uzadıb.

Arda klubun rəsmi saytına açıqlamasında yeni müqaviləyə imza atdığı üçün özünü xoşbəxt saydığını bildirib: "Atletiko” ilə müqaviləmin müddətini uzatdığım üçün çox xoşbəxtəm. Özümü bu ailənin bir parçası kimi hiss edirəm. Karyeramı burada davam etdirəcəyimə görə, mən də sevincliyəm, klub da”.

Qeyd edək ki, 2011-ci ildə “Qalatasaray”dan “Atletiko”ya transfer olunan Arda Turanın klubu ilə 1015-ci ilə qədər müqaviləsi vardı.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -