Həmyerlimiz Fərid Quliyevin formasını geyindiyi “Kahramanmaraşspor”da yeni baş məşqçi təyinatı rəsmiləşib. Apasport.az saytının məlumatına görə, Besim Durmuşun istefasından sonra boşalan posta Yılmaz Özlem gətirilib.

Türkiyə çempionatının I divizionunda mübarizə aparan Kahramanmaraş təmsilçisi çalışdırıcı olmağa qərar verən veteran futbolçu ilə 2 illik müqavilə bağlayıb. Lakin Özlemin məşqçi kimi debütü uğursuz alınıb. Belə ki, sonuncu turda Fəridin iştirak etmədiyi matçda həmyerlimizin komandası doğma publika önündə “Orduspor”a uduzub (2:3).

Qeyd edək ki, 2011-ci ildə başa vurduğu futbolçu karyerası ərzində “Qaziantepspor”, “Diyarbəkirspor”, “Manisaspor”, “Bucaspor” kimi klublarda forma geyinən Özlem aqressiv davranışlarına görə “Dəli Yılmaz” ləqəbi ilə tanınıb.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -