Bu gün Azərbaycan kuboku yarışlarının 1/16 final mərhələsinə yekun vurulub. Apasport.az saytının məlumatına görə, 3 oyunu ötən həftə baş tutan mərhələnin son matçı Naxçıvanda baş tutub.

12 ildən sonra kubok yarışına qatılan “Araz Naxçıvan” “Ağsu”nu qəbul edib. I divizion təmsilçilərinin duelində meydan sahibləri qalib gəlib – 1:0. Görüşün taleyini həll edən qol əlavə vaxtda vurulub. Bununla da aşağı dəstədə çempionatın lideri olan naxçıvanlılar mərhələni 1 qolla adlayıb.

Qeyd edək ki, “Araz Naxçıvan” 1/8 finalda “Simurq”la qarşılaşacaq. Dekabrın 4-də baş tutacaq həmin oyun da Naxçıvanda keçiriləcək.

30 oktyabr (çərşənbə)
“Araz Naxçıvan” – “Ağsu” - 1:0
QOL: Elmin Çobanov, 108
Hakimlər: Anar Salmanov, Rahil Ramazanov, Rahin Heybətov, Qorxmaz Eldarov
İbrahimxəlil Axundlu adına Naxçıvan Muxtar Respublika stadionu

“Araz Naxçıvan”: 1. Emil Balayev, 2. Aleksandr Krustkeviç, 3. Əlimirzə Daşzərini, 5. Cavid Həsənov, 6. Mikayıl Rəhimov, 7. Akif Tağıyev, 8. Elmin Çobanov, 9. Eşqin Quliyev, 10. Emin İmaməliyev (k), 17. Bəxtiyar Soltanov, 21. David Janalidze
Ehtiyat oyunçular: 23. Rəşad Heydərov, 4. Fərman Qəmbərov, 11. Elgün Abbaslı, 13. Onur Soltanlı, 19. Rəhman Musayev, 20. Samir Rəsulov, 25. Elgiz Kərimli
Baş məşqçi: Əsgər Abdullayev

“Ağsu”: 1. Kənan Bayramov, 18. Seyid İsgəndərov, 2. Hüseyn isgəndərov, 5. Camal Məmmədov, 3. Fərrux Rəhimov, 20. Tərlan Salmanov, 19. Ramil Əliyev, 11. Qalib Əmrahov, 10. Tural Rzayev, 17. Ravi Rəhmanov (k), 9. Nicat Tağıyev
Ehtiyat oyunçular: 12. Cavid Səfərov, 23. Nurlan İsfəndiyarov, 7. Malik Babayev, 21. Haldun Cümşüdlü, 15. Elçin Həşimov
Baş məşqçi: Rüfət Quliyev

Qeyd edək ki, cütün qalibi 1/8 finalda “Simurq”la qarşılaşacaq.

• “Fənərbaxça”dan ayrıldı - “Ayaks”da çıxış edəcək
• Leao rəsmən “Qalatasaray”da
• “Çelsi” dünya çempionunu heyətinə qatıb
• “Tottenhem”dən antirekord - 52 ildən sonra ilk dəfə
• Günün oyunları bu kanallarda - TV AFİŞA