“Bayer” yarımmüdafiəçisi ilə müqaviləni yenilədi

31.10.2013 - 21:43

Almaniyanın “Bayer” klubu futbolçusu Lars Benderlə müqaviləni yeniləyib. Apasport.az xəbər verir ki, bu barədə klubun rəsmi saytı məlumat yayıb.

Belə ki, yeni anlaşmaya əsasən 24 yaşlı yarımmüdafiəçi 2019-cu ilə qədər komandasına xidmət edəcək. Leverkusen klubundan verilən açıqlamada 2017-ci ildə müqavilə müddəti başa çatacaq Benderlə yeni anlaşma imzaladıqları üçün şad olduqları deyilib. Rəhbərlik futbolçunun gözləniləndə daha yaxşı çıxış etdiyini bildirib.

Qeyd edək ki, Almaniya millisinin də üzvü olan Lars 4 ildir “Bayer”in şərəfini qoruyur.