21 yaşadək futbolçulardan ibarət millimizin üzvü Tuğrul Erat Almaniyada növbəti qolunu vurub. Apasport.az saytının məlumatına görə, Düsseldorf “Fortuna”sının U-23 komandasının üzvü “Uerdingen 05”lə matçda fərqlənib.

O, ikinci hissə başlar-başlamaz komandasının üstünlüyünü daha da artırıb. İstedadlı futbolçu 46-cı dəqiqədə fərqlənib. Onun komandası isə doğma azarkeşlər önündə baş tutan matçdan 3:1 hesablı qələbə ilə ayrılıb. Bununla da “Fortuna”nın 2-ci komandası məğlubiyyətsiz oyunlar seriyasını 8-ə çatdırıb.

Qeyd edək ki, U-21-in seçmə mərhələ oyunlarında 3 qola imza atan Tuğrul Erat “Fortuna”da cari mövsüm 4-cü qolunu vurub.

• Türkiyə millisinin üzvü “Qalatasaray”da – Dəniz Gül İstanbula gəlir
• Günün canlı yayımlanacaq matçları - TV AFİŞA
• Acundan növbəti transfer – “Roma”nın hücumçusu "Hall Siti" yolunda
• “Fənərbaxça”dan ayrıldı - “Ayaks”da çıxış edəcək
• Leao rəsmən “Qalatasaray”da