Milli komandamızın və AZAL-ın sabiq mərkəz müdafiəçisi Usim Nduka sabah Türkiyə çempionatında meydana çıxa bilməyəcək. Apasport.az saytının məlumatına görə, “Tavşanlı Linyitspor”a məxsus olan nigeriyalı futbolçu ötən tur 90 dəqiqə forma geydiyi “Manisaspor”la görüşün 35-ci dəqiqəsində sarı vərəqə alıb.

Bu isə 28 yaşlı futbolçunun vərəqə limitini doldurmasına səbəb olub. Ona görə də Nduka sabah baş tutacaq “Kahramanmaraşspor”la səfər oyununda meydanda görünməyəcək. Usim yalnız komandasının 12-ci turda “İstanbul BB” ilə görüşündə meydana çıxa bilər.

Qeyd edək ki, digər millimizin sabiq üzvü Fərid Quliyevin məxsus olduğu “Kahramanmaraşspor”un “Tavşanlı Linyitspor”la matçı Bakı vaxtı ilə saat 16:00-da başlayacaq.

• Türkiyə millisinin üzvü “Qalatasaray”da – Dəniz Gül İstanbula gəlir
• Günün canlı yayımlanacaq matçları - TV AFİŞA
• Acundan növbəti transfer – “Roma”nın hücumçusu "Hall Siti" yolunda
• “Fənərbaxça”dan ayrıldı - “Ayaks”da çıxış edəcək
• Leao rəsmən “Qalatasaray”da