A Seriyasında XI tur sülhlə yekunlaşdı

05.11.2013 - 02:14

Futbol üzrə İtaliya çempionatında XI tura yekun vurulub. Apasport.az saytının məlumatına görə, son oyun günündə bir görüş baş tutub.

Turnir cədvəlinin son sıralarında qərarlaşan iki klub üz-üzə gəlib. "Boloniya" doğma azarkeşləri qarşısında "Kyevo"u qəbul edib. Nə qədər çalışsalar da hesabı aça bilməyən tərəflər meydandan qolsuz heç heçə ilə ayrılıb.

Turun digər matçlarında da maraqlı görüşlər qeydə alınıb. “Yuventus” səfərdə “Parma” klubu ilə üz-üzə gəlib. Turin təmsilçisi ikinci hissədə vurduğu yeganə qolla zəfər çalıb. Liderin ən yaxın izləyicisi “Napoli” də doğma arenada 3 xala sevinib. Rafael Benitesin yetirmələri “Kataniya”nı 2:1 hesabı ilə məğlub edib.

Ötən tur evdə xal itkisi ilə üzləşən “Milan” bu dəfə də büdrəyib. “Qırmızı-qaralar” doğma publika qarşısında “Fiorentina”ya 2 cavabsız qolla boyun əyiblər.

Lider “Roma” cari çempionatda ilk dəfə xal itkisi ilə üzləşib. Mövsümə ardıcıl 10 qələbə ilə başlayaraq rekor müəyyənləşdirən paytaxt klubu “Torino” ilə səfər görüşündə büdrəyib – 1:1.

“İnter” qonaq meydanında “Udineze”yə heç bir şans verməyib. Milanlılar rəqibini 3 cavabsız qolla deviriblər. “Latsio” isə evdə “Cenoa”ya uduzub – 0:2.

İtaliya A Seriyası
11-ci tur

2 noyabr
"Parma" - "Yuventus" - 0:1
Poqba, 77

"Napoli" - "Kataniya" - 2:1
Kallehon, 15, Hamşik, 20 - Kastro, 25

"Milan" - "Fiorentina" - 0:2
Varqas, 27, Valero, 73

3 noyabr
"Livorno" - "Atalanta" - 1:0
Paulo Sergio, 11

"Udineze" - "İnter" – 0:3
Palasio, 25, Ranokkiya, 30, Alvarez, 90

"Sampdoriya" - "Sassuolo" - 3:4
Pozzi, 19, Eder, 65, De Silvestri, 81 – Berardi, 49; 52-pen. 88-pen. , F.Flores, 63

"Latsio" - "Cenoa" - 0:2
Kuçka, 61, Cilardino, 72

"Verona" - "Kalyari" - 2:1
Toni, 8, Yankoviç, 57 – Konti, 90

"Torino" - "Roma" - 1:1
Çerci, 63 – Strutmen, 28

4 noyabr
"Boloniya" - "Kyevo" - 0:0

1	Roma	11	10	1	0	25:2	31
2	Napoli	11	9	1	1	24:8	28
3	Yuventus	11	9	1	1	23:10	28
4	İnter	11	6	4	1	27:12	22
5	Verona	11	7	1	3	22:17	22
6	Fiorentina	11	6	3	2	22:13	21
7	Latsio	11	4	3	4	15:15	15
8	Cenoa	11	4	2	5	11:14	14
9	Atalanta	11	4	1	6	12:14	13
10	Udineze	11	4	1	6	11:14	13
11	Milan	11	3	3	5	17:19	12
12	Torino	11	2	6	3	17:19	12
13	Parma	11	3	3	5	16:19	12
14	Livorno	11	3	3	5	13:16	12
15	Kalyari	11	2	4	5	11:19	10
16	Boloniya	11	2	4	5	13:22	10
17	Sampdoriya	11	2	3	6	12:20	9
18	Sassuolo	11	2	3	6	12:27	9
19	Kataniya	11	1	3	7	7:19	6
20	Kyevo	11	1	2	8	7:18	5