Topaz Premyer Liqasında XII turun rəmzi komandası və ən yaxşı oyunçusu məlum olub. Apasport.az saytının məlumatına görə, “InStat Football” şirkətinin Peşəkar Futbol Liqasına təqdim etdiyi statistik göstəricilərə əsasən, ötən turun ən yaxşı “11-liy”inə daha çox “Neftçi”nin üzvləri düşüb. “Böyük oyun”da “Xəzər Lənkəran”ı 4:1 hesabı ilə yenən bakılıların 6 üzvü yığmada yer alıb.

Qapıçı: Saşa Stamenkoviç (Neftçi)

Müdafiəçilər: Bruno Bertuççi (Neftçi), Rəşad Sadıqov (Qarabağ), İqor Mitreski (Neftçi), Mahir Şükürov (Neftçi)

Yarımmüdafiəçilər: Reynaldo Silva (Qarabağ), Rəşad Sadiqov (Neftçi), Sadio Tounkara (Xəzər Lənkəran), Flavinyo (Neftçi)

Hücumçular: Nikolas Gelaşvili (Qarabağ), Rauf Əliyev (Bakı)

Topa sahib olmada və dəqiq ötürmələrin sayında paytaxtın “İnter” klubu fərqlənib – 36. Hücumların sürətinə görə isə Zaqatalanın “Simurq” və Ağdamın “Qarabağ” klubları öndədir. Hücum sayına görə “Bakı” klubu ilk pillədədir. “İnter” və “Xəzər Lənkəran” rəqib qapısına hamıdan çox – 16 zərbə endirib.

“Sumqayıt” klubunun futbolçuları bu tur 6 dəfə oyundankənar vəziyyətə düşüb. Ən çox qayda pozuntusuna yol verən komanda isə “Xəzər Lənkəran”dır.

“Qəbələ” ilə oyunda iki qol vuran və bir qol ötürməsi edən Nikolas Gelaşvili Topaz Premyer Liqasında XII turun ən yaxşı oyunçusudur. Onun komanda yoldaşı Riçard Almeyda ən çox dəqiq ötürmə edən futbolçudur. “Qəbələ”nin hücumçusu Daniel Subotiç hava mübarizələrində hamıdan uğurlu olub.

• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”
• Türkiyə millisinin üzvü “Qalatasaray”da – Dəniz Gül İstanbula gəlir
• Günün canlı yayımlanacaq matçları - TV AFİŞA
• Acundan növbəti transfer – “Roma”nın hücumçusu "Hall Siti" yolunda