Tallinn və Bişkek sınağı: Millinin səfəri nə vəd edir?

06.11.2013 - 17:24

Bu ay 2 yoxlama görüşü keçirəcək Azərbaycan millisinin heyətinə 23 futbolçu çağırılıb. Apasport.az saytı noyabrın 15-də Estoniya, 19-da Qırğızıstanla baş tutacaq qarşılaşmalara çağırılan oyunçuların yığmadakı göstəricilərini açıqlayıb. Həmin rəqəmlərə əsasən qarşıdakı səfər bir sıra yubileylər vəd edir.

Millinin rekordçusu və kapitanı Rəşad Sadıqov hər 2 görüşdə iştirak etsə, Qırğızıstandakı matç onun yığmada yubiley – 90-cı qarşılaşması olacaq.

Vitse-kapitan Mahir Şükürov isə artıq noyabrın 15-də yubiley qeyd etməyə hazırlaşır. Onun oyun sayı Tallinndə 70-ə çata bilər.

Rəşadın “Qarabağ”dakı komanda yoldaşlarından Maksim Medvedev üçün ilk oyun 25-ci olacaq. Qapıçı Fərhad Vəliyev üçün isə buraxılan ilk qol 50-ci olacaq.

Həm Tallinn, həm Bişkekdə oynayacaqları halda, Vladimir Levin 30, Rəşad Sadiqov 25-ci milli görüşündə forma geyəcək. 2 matçda oynaması Əfran İsmayılovu da “20”yə çatdıracaq. Əli Gökdəmir, Bədavi Hüseynov və Rüfət Dadaşov isə 8 dəfə meydana çıxdıqları millidə oyun sayını 10-a çatdırmaq imkanına malikdir.

Vaqif Cavadov cəmi 1 qol vurmaqla, 10-u da fəth etmiş olacaq.

Qeyd edək ki, yığmadakı yeganə debütant Taşkin İltər meydana çıxmaqla ilk dəfə əsas yığmada oynamış olacaq.

futbolçu	oyun	qol
Rəşad Sadıqov	88	4
Mahir Şükürov	69	4
Vüqar Nadirov	52	4
Vaqif Cavadov	50	9
Ruslan Abışov	37	4
Cavid Hüseynov	36	1
Rauf Əliyev	34	6
Rahid Əmirquliyev	33	1
Elnur Allahverdiyev	32	0
Fərhad Vəliyev	32	-49
Vladimir Levin	28	0
Maksim Medvedev	24	0
Rəşad Sadiqov	23	0
Əfran İsmayılov	18	1
Cihan Özkara	13	1
Ufuk Budak	11	0
Rasim Ramaldanov	10	0
Bədavi Hüseynov	8	0
Əli Gökdəmir	8	0
Rüfət Dadaşov	8	4
Səlahət Ağayev	4	-1
Anar Nəzirov	2	0
Taşkın İltər	0	0