Avropa Liqasının qrup mərhələsinin IV turunun qarşılaşmaları 1/16 final mərhələsinə vəsiqələrdən 8-nin adına aydınlıq gətirib. Apasport.az saytının məlumatına görə, son 2 turun matçlarından asılı olmayaraq 2 qrupda ilk iki pillənin, daha 4 qrupda isə bir vəsiqənin sahibi bilinir.”

C qrupunda son 2 tur formallığa çevrilib. Avstriyanın “Zalsburq” klubu 4 qələbə qazanmaqla mərhələ adlayıb. Danimarka “Esbyerq”i də artıq digər 2 komanda üçün əlçatmazdır. E qrupunda da oxşar vəziyyətdir. 4 qələbə qazanan İtaliya “Fiorentina”sı və Ukrayna “Dnepr”i 1/16 finala yüksəlib.

A qrupunda İspaniyanın “Valensiya”, B qrupunda Bolqarıstanın “Lüdoqorets”, D qrupunda Rusiyanın “Rubin”, K qrupunda İngiltərənin “Tottenhem” klubları da buna nail olub. Azərbaycan milli komandasının futbolçusu Ruslan Abışovun çıxış etdiyi “Rubin” evdə İngiltərə “Uiqan”ını 1:0 hesabı ilə məğlub etməklə mərhələ adlayıb.

• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”
• Türkiyə millisinin üzvü “Qalatasaray”da – Dəniz Gül İstanbula gəlir
• Günün canlı yayımlanacaq matçları - TV AFİŞA