Bakının “İnter” klubunun sabiq futbolçusu Petar Zlatinov vətəni Bolqarıstanda diqqət mərkəzinə düşüb. Apasport.az saytının məlumatına görə, “Liteks”də çıxış edən yarımmüdafiəçi “Botev”lə qarşılaşmanın “qəhrəman”ına çevrilib.

Zlatinov oyunun gedişi zamanı rəqib komandanın məşqçilər korpusunda yer alan Sanko Svetanova hücum çəkib. DÇ-1994-ün yarımfinalçısını təhqir edən yarımmüdafiəçini komanda yoldaşları güclə sakitləşdirib.

Lakin Petar 1:2 hesabı ilə uduzduqları matçın sonunu gözləyib. Oyun bitən kimi 2 qat Azərbaycan çempionu yenidən Svetanovun üstünə cumub. Polislərin müdaxiləsi ilə onu saxlamaq mümkün olub.

Qeyd edək ki, Zlatinov 2008-2013-cü illərdə çıxış etdiyi “İnter”lə 2007/08 və 2009/10 mövsümlərinin çempionu olub.

• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”
• Türkiyə millisinin üzvü “Qalatasaray”da – Dəniz Gül İstanbula gəlir
• Günün canlı yayımlanacaq matçları - TV AFİŞA